(பகுதி - 2) கடந்த 11.01.2018 அன்று மனிதநேய ஜனநாயக கட்சி (மஜக) பொதுச்செயலாளர் M.தமிமுன் அன்சாரி MLA அவர்கள் சட்டசபையில் பேசியதாவது.., "திரை கடல் ஓடியும் திரவியம் தேடு" என்ற பழமொழிக்கு ஏற்ப தமிழர்கள் உலகமெங்கும் சென்று உழைக்கிறார்கள். வளைகுடா நாடுகள், சிங்கப்பூர், மலேசியா உள்ளிட்ட தென் கிழக்கு ஆசிய நாடுகளுக்கும் சென்று உழைக்கிறார்கள். இவர்களது நலனுக்காக தமிழக அரசு தனி அமைச்சகத்தை உருவாக்க வேண்டும். கேரளா அரசு வெளிநாடு வாழ் மலையாளிகளுக்காக தனி அமைச்சகத்தை உருவாக்கி இருக்கிறது. தமிழக அரசும் அப்படி செய்தால் வெளிநாடு வாழ் தமிழர்களும் பயன் அடைவார்கள். தமிழக அரசும் பயன் அடையும். இக்கோரிக்கையை தமிழக அரசு பரிசீலிக்க வேண்டும் என்று கேட்டுக்கொள்கிறேன். தகவல்: #மஜக_தகவல்_தொழில்நுட்ப_அணி #MJK_IT_WING #மஜக_தலைமையகம் 13_01_2018

கோவை.ஜன.13., கோவை சிறைவாசி சகோ.ஒஜிர் அவர்கள் கடந்த 05.10.2016 அன்று மாரடைப்பால் உயிரிழந்தார். அதை தொடர்ந்து அவரின் நல்லடக்கத்தில் பங்கேற்ற சமுதாய தலைவர்கள் பலரும் அக்குடும்பத்திற்கு நிவாரண உதவி அளிப்பதாக தெரிவித்தனர், மஜக சார்பில் பொதுச்செயலாளர் M.தமீமுன்அன்சாரி MLA அவர்கள் ரூ.1 இலட்சம் நிவாரண தொகை வழங்குவதாக தெரிவித்தார். அதை தொடர்ந்து மஜக சார்பில் ரூ. 1 லட்சம் வழங்கப்பட்டது, வாக்குறுதியளித்த பல இயக்கங்களும், ஜமாத்துகளும் நிவாரண உதவி வழங்கினர். இன்று அக்குடும்பத்திற்கு சுமார் 2சென்ட் நிலம் (ரூ.8 இலட்ச ரூபாய் மதிப்பில்) இஸ்லாமிய கூட்டமைப்பு சார்பாக வாங்கப்பட்டு ஒஜிர் அவர்கள் குடும்பத்தாரிடம் ஒப்படைக்கப்பட்டது. இந்நிகழ்வில் கோவை இஸ்லாமிய இயக்கங்கள் கூட்டமைப்பில் உள்ள அனைத்து இயக்க நிர்வாகிகள் கலந்து கொண்டனர். இதில் மஜக சார்பாக மாவட்ட துணை செயலாளர் TMS.அப்பாஸ்,  அவர்கள் கலந்து கொண்டார். அதை தொடர்ந்து அந்த இடத்தில் முஸ்லிம் லீக் சார்பாக வீடு கட்டி தருவதாக தெரிவிக்கப்பட்டுள்ளது. இம்முயற்சிக்கு கூட்டமைப்பு சார்பாக முழு ஒத்துழைப்பு தருவதாக அறிவிக்கப்பட்டுள்ளது. தகவல் #மஜக_தகவல்_தொழில்நுட்ப_அணி #MJK_IT_WING #கோவை_மாநகர்_மாவட்டம் 13.01.18

(#தமிழக_கொங்கு_இளைஞர்_பேரவை தலைவர் தனியரசு MLA, #முக்குலத்தோர்_புலிப்படை_தலைவர் கருணாஸ் MLA, #மனிதநேய_ஜனநாயக_கட்சி பொதுச்செயலாளர் M.தமிமுன் அன்சாரி MLA, ஆகியோர் வெளியிடும் கூட்டறிக்கை...) “தமிழை ஆண்டாள்” என்கிற தலைப்பில் கவிப்பேரரசு வைரமுத்து எழுதிய கட்டுரையை முன்வைத்து பாஜக தலைவர்களில் ஒருவரான H.ராஜா என்பவர் தரம் தாழ்ந்த சொற்களால் அவரை இழிவுப்படுத்தியுள்ளார். அது மட்டுமின்றி சம்மந்தமே இல்லாமல், இத்துடன் நபிகள் நாயகத்தையும், அவர்களின் மனைவியரையும் இழிவுப்படுத்தி பொது அமைதியை கெடுக்கும் வகையில் பேசியுள்ளார். இதை நாங்கள் வன்மையாக கண்டிக்கின்றோம். கவிஞர் வைரமுத்து அவர்கள் அது குறித்து தன்னிலை விளக்கம் கொடுத்துள்ள நிலையில், அவரை நெருக்கடிகளுக்கு ஆளாக்கி தொடர்ந்து பாஜகவினர் விமர்சிப்பதை ஏற்றக்கொள்ள முடியாது. வைரமுத்து தமிழ் சமூகத்தின் முகவரியில் ஒருவர் என்பதை மறந்துவிடக் கூடாது. H.ராஜா அவர்கள் தொடர்ந்து திராவிட இயக்கத்தவர்களையும், தமிழ் உணர்வாளர்களையும், மத சிறுபான்மையினர்களையும், இடதுசாரி ஆதரவாளர்களையும் தரம் தாழ்ந்து பேசி வருவதை வாடிக்கையாக கொண்டிருக்கிறார். இதை பாஜக தலைமை அங்கீகரிக்கிறதா...? என்பதை அவர்கள் விளக்க வேண்டும். தமிழ் இனத்திற்கும், தமிழுக்கும் எந்த வித தொடர்புமற்ற H.ராஜா தமிழ் மண்ணில் சமூக அமைதியை குலைப்பதை தமிழ் சமூகம் வேடிக்கை பார்க்க கூடாது.. தனது கேவலமான கருத்துக்கு H.ராஜா உடனடியாக மன்னிப்பு

கிருஷ்ணகிரி. ஜன.11., மத்திய மதவாத அரசை கண்டித்து ஓசூரில் ஜமாத்துல் உலாமா சபை சார்பாக அனைத்து கட்சிகள் மற்றும் இயக்கங்களை கூட்டி முத்தலாக் தடை சட்டத்தை திரும்ப பெற வலியுறுத்தி பேரணி மற்றும் கண்டன ஆர்ப்பாட்டம்  இன்று காலை 11 மணியளவில் நடைபெற்றது. இதில் மனிதநேய ஜனநாயக கட்சியின் சார்பாக மாநில பொருளாளர் எஸ்.எஸ்.ஹாரூன் ரசீது அவர்கள்  கலந்து கொண்டு கண்டன உரையாற்றினார். மஜக பொருளாளர் அவர்களின் கண்டன உரையில் குறிப்பாக பாசிசத்திற்கு எதிராக பிற்படுத்தபட்டோரும், ஒடுக்கபட்டோரும், நாத்திகர்களும், சேர்ந்து வேரறுப்போம் என்றும், முத்தலாக் தடை சட்டம் இந்திய இஸ்லாமியர்கள் மத்தியில் பெரும் கொந்தளிப்பை ஏற்படுத்தி இருக்கிறது என்றார். இஸ்லாம் வழங்ககூடிய ஷரியத் சட்டம் அழகிய வாழ்வியல் நெறிமுறையை சூட்டிக்காட்டியிக்கிறது. இது போன்ற அழகிய சட்டங்கள் எந்தவொரு மார்க்கத்திலும் கிடையாது என்றும் இந்த சட்டத்தை உணர்ந்த பிற சமூக மக்களும் ஷரியத் சட்டத்திற்காக குரல் கொடுத்து வருகிறார்கள் என்பதை தெளிவாக பேச்சில் சுட்டிக்காட்டினார். இதில் மஜகவின் அவைத் தலைவர் சம்சுதீன் நாசர் உமரி, மாநில துணைச் செயலாளர் சிக்கந்தர் அமீன், கிருஷ்ணகிரி மேற்கு  மாவட்ட செயலாளர் முஹம்மது ஆரிப், மாவட்ட பொருளாளர் சையத் நாவஸ், தலைமை