மனிதநேய ஜனநாயக கட்சியின் முன்னாள் மாநில துணைச் செயலாளர் வாணியம்பாடி வசீம் அக்ரம் அவர்கள் இன்று மாலை கொடூரமான முறையில் மர்ம நபர்களால் படுகொலை செய்யப்பட்டிருக்கிறார். இதை வன்மையாக கண்டிக்கிறோம். அவர் அப்பகுதியில் வாழும் மக்களின் நலன்களுக்காக தொடர்ந்து பல சேவைகளை ஆற்றி வந்தவர். அம்மாவட்ட மக்களால் நன்கு அறியப்பட்டவர். மஜக-வின் பல்வேறு அரசியல் பணிகளில் துடிப்போடு பங்கேற்று செயலாற்றியவர். இன்று அவர் படுகொலை செய்யப்பட்டிருக்கிறார் என்ற செய்தி பெரும் துயரத்தை தருகிறது. காவல்துறை துரிதமாக செயல்பட்டு உண்மை குற்றவாளிகளை கைது செய்து சட்டத்தின் முன்பு நிறுத்த வேண்டும் என வலியுறுத்திக் கேட்டுக் கொள்கிறோம். அவரை இழந்து வாடும் குடும்பத்தினர், நண்பர்கள், கட்சியினர், அவ்வூர் மக்கள் அனைவருக்கும் எமது ஆறுதலை தெரிவித்துக் கொள்கிறோம். அவரது மறு உலக வாழ்வு சிறக்க பிரார்த்திக்கிறோம். இவண், மு.தமிமுன் அன்சாரி, #பொதுச்செயலாளர், #மனிதநேய_ஜனநாயக_கட்சி 10.09.2021

சென்னை.செப்.2., தமிழ்நாடு வக்பு வாரிய தலைவர் ஜனாப் அப்துல் ரஹ்மான் அவர்கள் மனிதநேய ஜனநாயக கட்சியின் தலைமையகத்திற்கு வருகை தந்தார். அவரை பொதுச் செயலாளர் மு.தமிமுன் அன்சாரி அவர்கள் வரவேற்று மைக்கேல் ஹார்ட் எழுதிய 'புதிய வரலாறு படைத்தோரின் வரிசை முறை 100 பேர்' என்ற நூலை பரிசளித்தார். அப்போது தலைமை ஒருங்கிணைப்பாளர் மெளலா.நாசர், துணைப் பொதுச் செயலாளர் தைமிய்யா ஆகியோரும் உடனிருந்தனர். அவருடன் பிறைமேடை செய்தி ஆசிரியர் காயல் மஹபூப் அவர்களும் வருகை தந்திருந்தார். சுமார் 1 மணி நேரத்திற்கும் மேலாக இச்சந்திப்பு நடைப்பெற்றது. வக்பு வாரியத்தின் எதிர்கால செயல் திட்டங்கள், காத்திருக்கும் சவால்கள் குறித்து ஜனாப். அப்துல் ரஹ்மான் அவர்கள் விளக்கினார். வக்பு வாரியம் சார்பில் கல்வி நிறுவனங்களை தொடங்குவது குறித்த ஆலோசனை மஜக சார்பில் எடுத்துரைக்கப்பட்டது. இந்நிகழ்வில் மாநில துணைச் செயலாளர்கள் புதுமடம் அனிஸ், பொறியாளர் சைபுல்லாஹ், துரை முகம்மது, இளைஞர் அணி செயலாளர் அசாருதீன், மருத்துவ சேவை அணி செயலாளர் அப்துல் ரஹ்மான், IKP மாநில செயலாளர் கோவை இஷாக் உள்ளிட்ட மஜக-வினரும் உடனிருந்தனர். தகவல், #மஜக_தகவல்_தொழில்நுட்ப_அணி #MJKitWING #தலைமையகம் 02.09.2021

நாகை மாவட்ட மஜக இளைஞரணி செயலாளர் ரிஸ்வான் @ S.செய்யது அஹமது M.B.A., அவர்களுக்கும், மணமகள் M.சலாமுன்னிசா B.Sc., (IT) அவர்களுக்கும் இன்று திருமணம் திட்டச்சேரியில் நடைப்பெற்றது. இதில் பொதுச் செயலாளர் மு.தமிமுன் அன்சாரி அவர்கள் பங்கேற்று மணமக்களை வாழ்த்தினார். உடன் மாநில துணைச் செயலாளர் நாகை முபாரக், தகவல் தொழில்நுட்ப அணியின் மாநில பொருளாளர் A.H.M ஹமீது ஜெகபர், மாவட்ட செயலாளர் திட்டச்சேரி ரியாஸ், பொருளாளர் S.சதக்கத்துல்லாஹ், தலைமை செயற்குழு உறுப்பினர் அ.ஷேக்மன்சூர், IT Wing மாவட்ட செயலாளர் சுல்தான், திட்டச்சேரி பேரூர் செயலாளர் இப்ராஹீம், நிர்வாகிகள் பேபிஷாப் பகுருதீன், நிசார், ஆதினங்குடி சாகுல், பிரவீன், மஞ்சை சதாம் உள்பட ஒன்றிய, பேரூர் நிர்வாகிகளும், செயல்வீரர்களும் திரளாக கலந்து கொண்டனர். தகவல்; #மஜக_தகவல்_தொழில்நுட்ப_அணி, #MJKitWING #நாகை_மாவட்டம்.

வக்பு வாரிய தலைவர் அப்துல் ரஹ்மான் அவர்களின் மகன் சித்திக் அகமது அவர்களுக்கும், மணமகள் ஆயிஷா நஸ்ரின் அவர்களுக்கும் இன்று திருமணம் நடைபெற்றது. இதில் மனதநேய ஜனநாயக கட்சியின் பொதுச் செயலாளர் மு.தமிமுன் அன்சாரி பங்கேற்றார். அவருடன் பொருளாளர் ஹாருண் ரசீது, துணைப் பொதுச் செயலாளர் தைமிய்யா மாநில செயலாளர் நாச்சிக்குளம். தாஜ்தீன் ஆகியோரும் பங்கேற்றனர். மேலும் மாநில துணைச் செயலாளர்கள் அனிஸ், ஷமீம், பல்லாவரம் ஷஃபி, நாகை முபாரக், இளைஞர் அணி செயலாளர் அசாருதீன், மருத்துவ சேவை அணி செயலாளர் அப்துல் ரஹ்மான், மனித உரிமை அணி செயலாளர் சலீம் ஆகியோரும் உடன் சென்றனர். தகவல், #மஜக_தகவல்_தொழில்நுட்ப_அணி #MJKitWING #தலைமையகம் 21.08.2021