எளிய மக்களின் நம்பிக்கை நட்சத்திரமாய் ஒளிரும் மனிதநேய ஜனநாயக கட்சி நான்கு ஆண்டுகளை நிறைவு செய்து இன்று ஐந்தாம் ஆண்டில் அடியெடுத்து வைக்கிறது. அனைத்து மக்களையும் சமூக நீதி களத்தில் சகோதர - சகோதரிகளாக இணைக்கும் தங்க பாலத்தை கட்டியமைக்கும் மனிதநேய பணிகளை ; நுட்பமாக செய்து வெற்றி கண்டிருப்பதே இதன் நான்காண்டு சாதனைகளில் முதன்மையானதாகும். சந்தர்ப்பவாத பகட்டு அரசியலில் பொழுது போக்காமல், அனல் கக்கும் போராட்ட களங்களில் இதன் தொண்டர்கள் உருவாக்கப்படுகிறார்கள் என்பது இதன் சிறப்புகளில் ஒன்றாகும். நமக்கேன் வம்பு? என்று பலரும் கண்டும் காணாமல் போகும் விவகாரங்களில்; துணிந்து களமாடி உரிமைகளை பெற்றுக் கொடுத்தல், எல்லோருக்கும் நல்லவர்களாக நடிப்பதை விட சத்தியத்தின் பக்கம் நிற்பதே அறமாகும் என்ற கோட்பாட்டோடு உழைத்தல், தவறுகள் தலைக்காட்டும் இடங்களில் மௌனங்களை பேணாமல் நிசப்தத்தை உடைத்து நீதியை நிலைநாட்டுதல் ஆகியன மனிதநேய ஜனநாயக கட்சியின் அரசியலுக்கு மக்கள் ஆதரவை பெற்றுக் கொடுத்திருக்கிறது. அரசியல் சூறாவளிகளில் நிலைக்குலைந்து விடாமல், தவறான முடிவுகளெடுத்து தடுமாறி விடாமல் நேர் கோட்டில் பயணிக்கும் துணிச்சல் இறையருளால் மனிதநேய ஜனநாயக கட்சிக்கு கிடைத்திருக்கிறது. இதோ.. விழிகளில் லட்சியங்களை சுமந்துக் கொண்டு இதயங்களில் நம்பிக்கைகளை விதைத்துக்

பிப்.28, திருப்பூரில் மக்கள் விரோத கருப்பு சட்டங்களுக்கெதிராக தொடர் காத்திருப்பு போராட்டம் நடைப்பெற்று வருகிறது. இதில் பங்கேற்று மஜக பொதுச் செயலாளர் மு.தமிமுன் அன்சாரி MLA அவர்கள் பேசியதாவது: அரசியல் சாசன சட்டத்தின் கொள்கைகளை காப்பாற்றுவதற்காக நீண்ட நெடிய போராட்ட களத்தில் நிற்கிறோம். உண்ணுவதற்கும், உறங்குவதற்கும், சம்பாதிப்பதற்கும் நேரம் ஒதுக்குவதைப் போல் இனி போராடுவதற்கும் தினமும் நேரம் ஒதுக்க வேண்டும். மாதத்தில் சமையலுக்கும், கேஸ், மின்சாரம், குடிநீர் ஆகியவற்றிற்கு ஒரு தொகையை ஒதுக்குவது போல் இனி போராட்டத்திற்கும் ஒரு தொகையை ஒதுக்க வேண்டும். ஏனெனில் இப்போராட்டம் இப்பொழுது நிறைவு பெறுவதாக தெரியவில்லை. மத்திய அரசின் பிடிவாதமும், பிரதமரின் ஆணவமும் மாறுவதாக தெரியவில்லை. அகன்ற மார்பு கொண்ட பிரதமரிடம் சின்ன சிறிய இதயமில்லாமல் போய்விட்டது. அவர்கள் போராட்டங்களை புரிந்து கொள்ளவில்லை. பிடிவாதம் பிடிக்கிறார்கள். https://m.facebook.com/story.php?story_fbid=2300894996676929&id=700424783390633 மக்களின் உரிமைப் போராட்டங்களை சிதைக்க துடிக்கிறார்கள். டெல்லியில் வன்முறைகளை சங்பரிவார் ஆதரவு கூலிப் படையினர் திட்டமிட்டு நடத்தியுள்ளார்கள். கபில் மிஸ்ராவின் டிவிட்டர் பதிவுகளை பார்த்தவுடன் நடவடிக்கை எடுத்திருக்க வேண்டாமா? இந்த கலவரங்களை கண்டித்து அவர்கள் மீது FIR பதிவு செய்ய சொல்லி உத்தரவிட்ட டெல்லி உயர்நீதிமன்ற நீதிபதி முரளிதர் அவர்களை இரவோடு இரவாக பணியிட மாற்றம் செய்து