ஜன.26, 71 வது குடியரசு தினத்தை முன்னிட்டு நாகை மாவட்டம், தோப்புத்துறை ஆறுமுகச்சந்தியில் மனிதநேய ஜனநாயக கட்சி மற்றும் மருதநாயக ஆட்டோ ஓட்டுநர் சங்கம் இணைந்து இந்திய தேசிய கொடி ஏற்றப்பட்டது. தொடர்ந்து, மஜக மாவட்ட துணைச் செயலாளர் ஷேக் அகமதுல்லாஹ் அவர்கள் சட்டப் பாதுகாப்பு உறுதி மொழியை வாசிக்க கலந்துக் கொண்ட அனைவரும் திரும்ப கூறி உறுதி ஏற்றனர். இதில், எம்எஸ்எஃப் தலைவர் முகமது இம்தியாஸ் வரவேற்புரையாற்றிட அப்துல் கபூர் அவர்கள் தேசிய கொடி ஏற்றி வைத்தார். இறுதியில் எம்எஸ்எஃப் செயலாளர் அகமது ரய்யான் நன்றி கூறிட கலந்து கொண்ட அனைவருக்கும் இனிப்புகள் வழங்கப்பட்டது. இந்நிகழ்வில், மஜக தலைமை செயற்குழு உறுப்பினர் அ.ஷேக்மன்சூர், நகர துணை செயலாளர் முருகானந்தம், ஷேக் அமானுல்லாஹ் உட்பட திரளான மஜகவினரும், பிரமுகர்களும் கலந்து கொண்டனர். தகவல் ; #மஜகதகவல்தொழில்நுட்ப_அணி #MJKitWING #நாகைதெற்குமாவட்டம்.

ஜன.26, 71-வது குடியரசு தினத்தை முன்னிட்டு இன்று ஆக்கூர் மற்றும் மடப்புரம் ஊராட்சிகளில் நடைப்பெற்ற கிராம சபா கூட்டத்தில் மஜக தலைமை செயற்குழு உறுப்பினர் மு.ஷாஜஹான் தலைமையில் மஜகவினர் கோரிக்கை மனுவை அளித்தனர். மனுவில்.. தேசத்தின் ஒருமைப்பாட்டை குலைக்கும் CAA சட்டத்தை கைவிட வேண்டும். மக்களிடையே குழப்பத்தையும், அச்சத்தையும் உருவாக்கும் NRC மற்றும் NPR பதிவுகளை தமிழக அரசு கைவிட வேண்டும் என வலியுறுத்தப்பட்டது. மேலும், 5 மற்றும் 8 வகுப்பிற்கான பொதுத் தேர்வு மற்றும் ஹைட்ரோகார்பன் திட்டத்தை மக்களின் கருத்தை கேட்காமலே நடைமுறை படுத்தும் வகையில் திருத்தம் கொண்டு வந்த மத்திய அரசை கண்டித்தும் தீர்மானங்களை நிறைவேற்ற வலியுறுத்தப்பட்டிருந்தது. அதனை தொடர்ந்து, ஆக்கூர் பேருந்து நிலையம் அருகில் CPI(M) தரங்கபாடி வட்டக் குழு சார்பில் இந்திய மக்களை பிளவுப்படுத்தும் CAA சட்டத்தை வாபஸ் பெற கோரி குடியரசு தினத்தை முன்னிட்டு உறுதி ஏற்பு நிகழ்ச்சி நடத்தப்பட்டது. இந்நிகழ்விலும், ஆக்கூர் மு.ஷாஜஹான் தலைமையில் மஜகவினர் திரளாகப் பங்கேற்றனர். தகவல் ; #மஜகதகவல்தொழில்நுட்ப_அணி #MJKitWING #நாகைவடக்குமாவட்டம்.

ஜன.26, நாகை மாவட்டம், திருமருகல் ஊராட்சி ஒன்றியத்திற்குட்பட்ட ஆதலையூரில் இன்று குடியரசு தினத்தை முன்னிட்டு சிறப்பு கிராமசபா கூட்டம் ஊராட்சி மன்ற அலுவலகத்திற்கு எதிரில் நடைப்பெற்றது. இக்கூட்டத்தில், பங்கேற்ற மஜகவினர் குடியுரிமை சட்டத்திற்கெதிராக தீர்மானத்தை முன் மொழிந்து மனு அளித்தனர். இதில், மஜக மாவட்ட துணை செயலாளர் முன்ஷி யூசுப்தீன், மாவட்ட தகவல் தொழில்நுட்ப அணி துணை செயலாளர் நிசாத், ஆதலையூர் கிளை செயலாளர் பாவா, சமிம், சிராஜ், சிபான் உள்ளிட்டோர் கலந்து கொண்டனர். அதைப்போல், நாகப்பட்டினம் ஒன்றியத்திற்குட்பட்ட மஞ்சக்கொல்லை ஊராட்சியில் நடைப்பெற்ற கிராமசபா கூட்டத்திலும் கலந்து கொண்டு குடியுரிமை சட்டத்திற்கெதிராக தீர்மானத்தை முன்மொழிய வலியுறுத்தப்பட்டது. இதில், நாகை ஒன்றிய பொறுப்பாளர் மஞ்சை சதாம், கிளை செயலாளர் ஷேக்அலி உள்ளிட்ட மஜகவினர் கலந்து கொண்டு மனு அளித்தனர். தகவல் ; #மஜகதகவல்தொழில்நுட்ப_அணி #MJKitWING #நாகைதெற்குமாவட்டம்.

ஜன.26, கடலூர் மாவட்டம், கம்மாபுரம் ஊராட்சி ஒன்றியத்திற்குட்பட்ட பெரியாக்குறிச்சியில் இன்று குடியரசு தினத்தை முன்னிட்டு சிறப்பு கிராமசபா கூட்டம் நடைப்பெற்றது. இதில், மஜக மாநில துணை செயலாளர் நெய்வேலி இபுராஹீம், நெய்வேலி நகர செயலாளர் நூர்முகம்மது, பொருளாளர் ஜாகிர் ஹீசைன், மதார், விசிக ஜோதிபாசு ஆகியோர் இணைந்து CAA சட்டத்திற்கு எதிரான தீர்மானத்தை முன் மொழிந்தனர். தகவல் ; #மஜகதகவல்தொழில்நுட்ப_அணி #MJKitWING #கடலூர்வடக்குமாவட்டம்.