ஜுன்.14., கோவையில் புதிதாக பொறுப்பேற்ற மாநகர காவல் ஆணையர் தீபக் எம்.தாமோர், அவர்களை மனிதநேய ஜனநாயக கட்சியின் மாவட்ட செயலாளர் MH.அப்பாஸ், அவர்கள் தலைமையில் நிர்வாகிகள் மரியாதை நிமித்தமாக சந்தித்தனர். இச்சந்திப்பில் கோவையில் மஜக ஆற்றி வரும் கொரோனா தடுப்பு, மற்றும் நிவாரண பணிகள் குறித்து நிர்வாகிகளிடம் காவல் துறை ஆணையர் கேட்டறிந்தார். மேலும் கோவையில் சில பகுதிகளில் இளைஞர்களை சீரழிக்கும் தடைசெய்யப்பட்ட போதை பொருட்கள் விற்பனை செய்வோர் மீது கடும் நடவடிக்கை எடுக்க மஜக சார்பில் வலியுறுத்தப்பட்டது. இது குறித்து விசாரித்து கடும் நடவடிக்கை எடுக்கப்படும் என காவல் துறை ஆணையர் தெரிவித்தார். முன்னதாக சுகாதார பணிகள் குறித்து மாநகராட்சி ஆணையர், ராஜகோபால் சுங்கரா, அவர்களையும், உளவுத்துறை உதவி ஆணையர் முருகவேல், உள்ளிட்ட காவல் துறை உயரதிகாரிகளை மஜக நிர்வாகிகள் சந்தித்து பேசியது குறிப்பிடத்தக்கது. இதில் மருத்துவ சேவை அணி மாநில துணை செயலாளர் செய்யது இப்ராஹிம், மாவட்ட பொருளாளர் TMS.அப்பாஸ், மாவட்ட துணை செயலாளர் ATR.பதுருதீன், வணிகர் சங்க மாவட்ட பொறுப்பாளர்கள் ஹாருண், நெளபல் பாபு, இளைஞரணி மாவட்ட துணை செயலாளர் பைசல் ரஹ்மான், ஆகியோர் பங்கேற்றனர். தகவல் #மஜக_தகவல்_தொழில்நுட்ப_அணி #MJKITWING #கோவை_மாநகர்_மாவட்டம் 14.06.2021

ஜுன்.02., கன்னியாகுமரி மாவட்ட மனிதநேய ஜனநாயக கட்சி மாவட்ட செயலாளர் பிஜ்ருல் ஹபீஸ், அவர்கள் தலைமையில் கன்னியாகுமரி தொகுதி பாராளுமன்ற உறுப்பினர் திரு. விஜய் வசந்த் MP அவர்களை சந்தித்து தற்போதைய கொரோனா நோய்தொற்று தடுப்பு நடவடிக்கை கள நிலவரம் பற்றி ஆலோசனை மேற்கொண்டனர். இதில் ஆசாரிப்பள்ளம் மருத்துவக் கல்லூரியில் நடைபெற்று வரும் கொரானா சிகிச்சை பற்றியும் அதில் மேம்படுத்த வேண்டியவை பற்றியும் ஆலோசித்தனர். மஜக நிர்வாகிகளின் கோரிக்கைகளை கேட்ட MP அவர்கள் நோயாளிகளுக்கு ஏதேனும் தேவை ஏற்படுமாயின் உடனடியாக தெரிவிக்குமாறும் அதன் பெயரில் உடனடி நடவடிக்கை எடுக்கப்படும் என உறுதியளித்தார். மேலும் நோயாளிகளுக்கும் மற்றும் முன்கள பணியாளர்களுக்கும் மனநல ஆலோசனை வழங்குவது சம்பந்தமாக பயிற்சி பெற்ற ஆலோசகர்களை தன்னார்வ பணிக்கு தாங்கள் பயன்படுத்த வேண்டும் என மஜகவினர் கோரிக்கை வைத்தனர். இதற்காக முன் வடிவ திட்டமும் பாராளுமன்ற உறுப்பினரிடம் இரு தினங்களில் வழங்கப்படும் என மஜக வினர் தெரிவித்தனர். இந்நிகழ்வில் மாவட்ட மாவட்ட பொருளாளர் சாதிக் அலி, மாவட்ட இளைஞரணி செயலாளர் முகமது அஷ்ரப் அலி, மாவட்ட தகவல் தொழில்நுட்ப அணி செயலாளர் முகம்மது ஷாஜித், ஆகியோர் உடன் இருந்தனர். தகவல் #மஜக_தகவல்_தொழில்நுட்ப_அணி #MJKITWING #கன்னியாகுமரி_மாவட்டம் 02.06.2021