ஜமாத்துல் உலமாவின் முன் முயற்சியில் அனைத்து கட்சிகள் மற்றும் இயக்கங்களை  ஒருங்கிணைந்து பொதுசிவில் சட்டத்தை கொண்டுவர துடிக்கும் மத்திய அரசை கண்டித்து #குடந்தையில் மாபெரும் கண்டன பொதுக்கூட்டம் நடைபெற்றது. இதில் மஜக அவைத்தலைவர் #நாசர்_உமரி பங்கேற்று உரையாற்றினார். முஸ்லிம் லீக் தலைவர் பேராசிரியர் காதர் மொய்தீன், SDPI கட்சி தலைவர் தெஹ்லான் பாகவி, இந்திய தவ்ஹீத் ஜமாத் தலைவர் பாக்கர், தமுமுக மூத்த தலைவர் ஹைதர் அலி   உள்ளிட்ட தலைவர்கள் வந்திருந்தனர். இதில் பல்வேறு கட்சிகள், அமைப்புகளை சேர்ந்தவர்கள் உரையாற்றினர். ஆண்கள், பெண்கள் என எங்கும் மக்கள் கூட்டம் நிறைந்து எங்கும் பேரெழுச்சியாக இருந்தது. உலமாக்கள் சிறப்பான ஏற்பாடுகளை செய்திருந்தனர். தகவல்: மஜக ஊடகப்_பிரிவு தஞ்சை வடக்கு மாவட்டம்.

நேருவுக்கு பின்னால் இந்தியாவின் அடித்தட்டு மக்களை பற்றி கவலைப்பட்ட ஒரே பிரதமர், சமூக நீதி காவலர் V.P சிங் அவர்கள். இன்று நவம்பர் 26 அவர் இவ்வுலகிலிருந்து விடைபெற்ற நாள்? யார் யாரையோ கொண்டாடும் இந்திய ஊடகங்கள் அவரை முடிந்த மட்டும், இருட்டடிப்பு செய்வதில் உறுதியாக இருக்கின்றன. அவர் மரணம் அடைந்தபோது, அதை பெட்டி செய்தியாக வெளியிட்டனர். அதே காலக்கட்டத்தில் தேவ் ஆனந்த் என்ற இந்தி நடிகரின் மரணத்திற்கு தலையங்கம் தீட்டினார்கள். ஏன் இவர்களுக்கு இவ்வளவு வெறுப்பு? அவர்தான் 27% இட ஒதுக்கீட்டை மத்திய அரசு பதவிகளில் பிற்படுத்தப்பட்ட மக்களுக்காக கொண்டு வந்தார். மண்டல் கமிஷனை உறுதியாக அமல்படுத்தினார். பாபர் மஸ்ஜித் இடிப்புக்கு தடையாக இருந்தார். காவிரி விவகாரத்தில் தீர்வு காண ' காவிரி நடுவர் மன்றத்தை ' சமரசமின்றி அமைத்தார். தாழ்த்தப்பட்ட, பழங்குடியின மக்களின் மேம்பாட்டிற்காக பாடுபட்டார். மண்டல் கமிஷனை அமுல்படுத்திய ஒரே காரணத்திற்காக தனது பிரதமர் பதவியை இழந்தார். பதவியை இழந்த பிறகும் குடிசை வாழ் மக்களுக்காக போராடினார். பாபர் மசூதி இடிப்பை கண்டித்து தண்ணீர் கூட அருந்தாமல் தொடர் உண்ணாவிரதம் இருந்தார். அதுவே அவரது கிட்னி செயலிழப்பதற்கு காரணமாக அமைந்தது! தமிழக மக்களின் மீது பேரண்பை காட்டிய அந்த சமூக