ஹாஜிகள் வழியனுப்பு நிகழ்ச்சி..! மஜக பொதுச் செயலாளர் பங்கேற்பு..!!

சென்னை.ஆக.20., சென்னை விமான நிலையத்தில் இன்று விடிகாலை மெக்காவுக்கு ஹஜ் யாத்திரை செல்லும் புனித பயணிகளை தமிழ்நாடு ஹஜ் கமிட்டி சார்பில் வழியனுப்பு நிகழ்ச்சி நடைபெற்றது.

மனிதநேய ஜனநாயக கட்சியின் (மஜக) பொதுச் செயலாளர் M.தமிமுன் அன்சாரி MLA அவர்கள் விமான நிலையத்திற்கு வருகைதந்து புனித பயனிகளை வழியனுப்பும் நிகழ்ச்சியில் பங்கேற்றார்.

வடபழனி பள்ளிவாசல் தலைமை இமாம் தர்வேஸ் ரஸாதி அவர்கள் ” தக்பீர் ” எழுப்பி பயணிகளுக்கு அறிவிப்புகளை வெளியிட்டுக் கொண்டிருந்தார்கள்.

உறவினர்களின் கண்ணீர் வழியும் தழுவல்களுக்கு பிறகு, பயணிகள் இறையில்லமாம் காபாவை தரிசிக்கப்போகும் உணர்ச்சிகரமான நிலையில் புறப்பட்டனர்.

தமிழக ஹஜ் கமிட்டி சார்பில் இவ்வருடம் புறப்பட்ட 8வது சவூதியா விமானத்தில் 300பேர் புறப்பட்டனர்.

நிறைவாக M.தமிமுன் அன்சாரி MLA அவர்கள் விமான நிலையத்தின் உட்பகுதிக்கு சென்று , நிர்வாக பணிகள் குறித்து பயணிகளுக்கு ஏதேனும் தேவை இருக்கிறதா? எனக் கேட்டறிந்தார்.

தமிழ்நாடு ஹஜ் கமிட்டி அதிகாரிகளிடம் சேவை பணிகள் குறித்தும் ஆலோசனைகளை கூறினார்.

இந்நிகழ்வில் மஜக மாநில செயலாளர் N.A.தைமியா, மாநில துணை செயலாளர் ஷமீம் அஹமது, மாநில விவசாய அணி செயலாளர் நாகை முபாரக், அமீரக IT-Wing செயலாளர் ஜியாவுல் ஹக் உள்ளிட்டோர் பங்கேற்றனர்.

தகவல்;
#மஜக_தகவல்_தொழில்நுட்ப_அணி
#MJK_IT_WING
தலைமையகம், சென்னை
20.08.17