ஆயுள் தண்டனை கைதிகளை முன் விடுதலை செய்ய வேண்டும்… பக்ரீத் தொழுகைக்கு பிறகு மஜக பொதுச் செயலாளர் மு.தமிமுன் அன்சாரி பேட்டி..

ஜூலை 21, இன்று தியாக திருநாளான #பக்ரீத் பண்டிகையையொட்டி சிறப்பு தொழுகைக்கு பிறகு, நாகை மாவட்டம் தோப்புத்துறையில் மஜக பொதுச்செயலாளர் மு.தமிமுன் அன்சாரி அவர்கள் செய்தியாளர்களை சந்தித்தார்.

அப்போது, கடந்த இரண்டு ரமலான் பண்டிகைகளையும், ஒரு பக்ரீத் பண்டிகையையும் கொரணா காரணமாக கொண்டாட முடியவில்லை என்றும், இவ்வாண்டு தொற்று குறைந்துள்ளதால் முக கவசம் அணிந்து, சமூக இடைவெளியோடு மக்கள் தொழுகை நடத்தி பிரார்த்தனை செய்ததாகவும் கூறினார்.

பக்ரீத் வாழ்த்து அறிக்கைகள் விடுத்த தலைவர்கள், சமூக வலைதளங்கள் வழியாக வாழ்த்து கூறிய நல் உள்ளங்கள் அனைவருக்கும் #மனிதநேய_ஜனநாயக_கட்சி-யின் சார்பில் நன்றி தெரிவித்துக் கொள்வதாகவும் கூறினார்.

கொரணா தொற்று ஒழிந்து உலகம் மீண்டு வரவும், மக்கள் மகிழ்ச்சியான இயல்பு வாழ்க்கைக்கு திரும்ப வேண்டும் என்பதும் முக்கிய பிரார்த்தனையாக இருந்தது என்றும் கூறினார்.

மேலும், இத்திரு நாளையொட்டி தமிழக அரசுக்கு ஒரு வேண்டுகோளையும் முன் வைத்தார்.

எதிர்வரும் அண்ணா பிறந்த நாளையொட்டி, 10 ஆண்டுகளை நிறைவு செய்த ஆயுள் தண்டணை கைதிகளை சாதி, மத, வழக்கு பேதமின்றி மனிதாபிமான அடிப்படையில் தமிழக அரசு விடுதலை செய்ய வேண்டும் என்றும், அதில் பேரறிவாளன் உள்ளிட்ட எழுவர் மற்றும் 60 வயதை கடந்த கைதிகளுக்கும், நோயாளி கைதிகளுக்கும் அவர்களுக்கு முன் விடுதலை கிடைக்கும் வரை வீடுகளிலேயே தங்கியிருக்க பரோல் வழங்கவும் நடவடிக்கை எடுக்க வேண்டும் என்றும் கோரிக்கை வைத்தார்.

மேலும் கொரணா இரண்டாவது அலையை கட்டுப்படுத்தியதில் #தமிழக_அரசு சிறப்பாக செயல்பட்டது என்றும், இதற்காக தமிழக முதல்வருக்கு பாராட்டுகளை தெரிவிப்பதாகவும் கூறினார்.

தகவல்,
#மஜக_தகவல்_தொழில்நுட்ப_அணி
#MJKitWING
#தலைமையகம்

Be the first to comment

Leave a Reply

Your email address will not be published.


*