மே.11., மத்திய அரசு கொண்டு வரத்துடிக்கும் புதிய மின்சார சட்டத் திருத்தம் ஆபத்தானது மட்டுமல்ல, அது மாநில அரசுகளின் உரிமைகளையும் பறிக்கும் செயல் என்பதால், அதை உறுதியாக நீங்கள் எதிர்க்க வேண்டும் என மாண்புமிகு. மின்துறை அமைச்சர் திரு.தங்கமணி அவர்களிடம் மனிதநேய ஜனநாயக கட்சியின் பொதுச் செயலாளர் மு.தமிமுன் அன்சாரி MLA., அவர்கள் அலைப்பேசியில் தொடர்புக் கொண்டு வேண்டுகோள் விடுத்தார். விவசாய வளர்ச்சிக்கு துணை நிற்கும் இலவச மின்சாரம் பறிபோனால், அது விவசாயிகள் உள்ளிட்ட சகலரையும் பாதிக்கும் என்பதால் இதில் சமரசம் கூடாது என்றார். இது குறித்து தமிழக அரசின் சார்பில் எதிர்ப்பு தெரிவிக்கப்பட்டுள்ளதாகவும், தமிழக மக்களின் எண்ணங்கள் கவனத்தில் கொள்ளப்படும் என்றும் அமைச்சர் தெரிவித்தார். தகவல், #மஜகதகவல்தொழில்நுட்ப_அணி #MJK_IT_WING 11-05-2020

மே 9, ஊரடங்கு தருணம் என்பதாலும், கொரோனா அச்சத்தின் காரணமாகவும் அரசு இரத்த வங்கியில் யாரும் இரத்த தானம் செய்ய முன்வராத நிலையில் ஏற்பட்டுள்ள இரத்த பற்றாக்குறையைப் போக்க இளையவேந்தன் இரத்ததான அறக்கட்டளை ஒருங்கிணைப்பில் தூத்துக்குடியில் உள்ள அனைத்து குருதிக் கொடையாளர்களையும் அழைத்து அரசு மருத்துவமனையில் இரத்த தான முகாம் நடைப்பெற்றது. இதில் மனிதநேய ஜனநாயக கட்சியின் சார்பில் மாவட்ட செயலாளர் ஜாகிர் ஹூசைன் தலைமையில் மாவட்ட, மாநகர நிர்வாகிகள் ஐந்து நபர்கள் கலந்துக் கொண்டு இரத்த தானம் செய்தனர். மஜக நிர்வாகிகள் அனைவரும் ரமலான் நோன்பு நோற்றிருந்த நிலையில் இரத்ததானம் செய்தனர். அவர்களுக்கு மருத்துவர்களும், சக குருதி கொடையாளர்களும் பாராட்டுக்களைத் தெரிவித்தனர். தகவல் ; #மஜகதகவல்தொழில்நுட்ப_அணி #MJKitWING #தூத்துக்குடி_மாவட்டம்.