ஜுன்-10 அன்று மாலை 4:30 மணியளவில் நக்கம்பாடியில்  நடைபெற்ற மனிதநேய ஜனநாயக கட்சியின் கிளை கூட்டத்தில் கிளை செயலாளராக S.முபாரிஸ், கிளை பொருளாளர் A.முகம்மது ஷேக்  ,H.முஹம்மது ஹாலித், S.சமீர் அக்தர், S.சாகுல் ஹமீது இளைஞரணி செயலாளராக J.பாசித் ஆகியோர்கள் தேர்வு செய்யப்பட்டனர். இக்கூட்டத்திற்கு மாவட்ட செயலாளர் N.M.மாலிக் தலைமை தாங்கினார். மாவட்ட துணை செயலாளர்கள் A.J.சாகுல் ஹமீது,கிளியானுர் அபுசாலி, மயிலாடுதுறை ஒன்றிய செயலாளர் ஜெப்ருதீன், கொள்ளிடம் ஒன்றிய செயலாளர் தைக்கால் ஷாஜஹான் ஆகியோர்கள் முன்னிலை வகித்தனர். மாவட்ட பொருளாளர் ஆக்கூர் ஷாஜஹான் வரவேற்புரையாற்றினார். கூட்டத்தின் இறுதியில் கிளை செயற்குழு உறுப்பினர் I.முனவர்தீன் நன்றி கூற கூட்டம் இனிதே நிறைவுற்றது. -மஜக ஊடகபிரிவு

நேற்று முத்துப்பேட்டைக்கு *மஜக பொதுச்செயலாளர் M.தமிமுன் அன்சாரி MLA* அவர்கள் வருகை தந்தார்.ஆசாத் நகர் பள்ளிவாசலில் நடைபெற்ற அசாருதீன்  திருமணத்தில் பங்கேற்று மணமக்களை வாழ்த்தினார். முத்துப்பேட்டை மக்களுடன் நெருங்கிய தோழமை வைத்திருக்கும் பொதுச் செயலாளருக்கு பொது மக்களும், ஜமாத்தார்களும், பிரமுகர்களும் கட்டிதழுவி தேர்தல் வெற்றிக்கு வாழ்த்துக்கள் கூறினர். தொடர்ந்து ஏராளமானோர் அவர் தங்கியிருந்த இல்லத்திற்கு வந்து வாழ்த்துக்கள் கூறினர். முத்துப்பேட்டை சமூக ஆர்வலரும், தொழிலதிபருமான *TVS.Dr.ஹைதர் அலி* அவர்களின் அழைப்பினை ஏற்று அவர் இல்லத்துக்கு சென்று உரையாடினார். அன்று மாலை முத்துப்பேட்டை மஜக நகர ஆலோசனை கூட்டத்திலும் பங்கேற்றார். பிறகு ஜாம்புவானோடை சென்று முத்துப்பேட்டை தர்ஹா தலைவரும், தர்ஹாக்கள் ஒருங்கிணைப்பு பேரவையின் நிறுவனருமான S.S.பாக்கர் அலி சாஹிப் அவர்களை சந்தித்தார். நாகை தொகுதியில் தனது வெற்றிக்கு பணியாற்றியதற்கு மஜக சார்பில் நன்றி தெரிவித்துகொண்டார். -மஜக ஊடகப்பிரிவு

நேற்று மாலை நாகை மாவட்டம் துளசியாப்பட்டிணத்திற்கு மஜக பொதுச்செயலாளர் M.#தமிமுன்_அன்சாரி MLA அவர்கள் வருகை புரிந்தார்.மஃரிப் தொழுகைக்கு பிறகு அவ்வூர் மக்களுடன் நடந்த கலந்துரையாடலில் பங்கேற்றார். அப்போது தங்கள் ஊருக்கு #சாலை_வசதிகள் மேம்பாடு  மற்றும் #ஆரம்ப_சுகாதார_நிலையம் ஆகியவற்றுக்கு ஏற்பாடு செய்து தரும்படி அவ்வூர் மக்கள் கோரிக்கை விடுத்தனர். இதுகுறித்து அமைச்சர் ஓ.எஸ். மணியன் அவர்களுடன் பேசுவதாக பொதுச்செயலாளர் கூறி விடைபெற்றார். பிறகு ஜமாத் துணைத்தலைவர் குஞ்ஞாலி மரைக்காயர் அவர்களை வீட்டில் சந்தித்து உரையாடிவிட்டு புறப்பட்டார். -மஜக ஊடகப்பிரிவு

மனிதநேய ஜனநாயக கட்சியின் பொதுச் செயலாளர் M.தமிமுன் அன்சாரி,MLA. அவர்கள்  வெளியிடும் பத்திரிக்கை  அறிக்கை கல் மனம் கொண்டவர்களையும் பொன்மனம் கொண்டவர்களாக மாற்றிடும் இனிய மாதம்தான் ரமலான் இம்மாதம் முழுவதும் சூரிய உதயத்திற்கு முன்பு தொடங்கி சூரியன் மறையும் வரை ஒரு சொட்டு தண்ணீர் கூட பருகாமல் இறையச்சத்தோடு நோன்பு நோற்று உள்ளத்தையும் உணர்வையும் ஒழுங்குபடுத்திடும் இனையற்ற  பயிற்சியை உலகம் முழுதும் முஸ்லிம்கள் பெறுகிறார்கள் தனக்காகவும் பிறருக்காகவும் பசியோடு மனம் உருகி ஒவ்வொருவரும் செய்யும் பிரார்தனைகளும் திருக்குஆனின் பக்கங்களில் விழிகளை புதைத்துக் கொள்ளும் அனுபவங்களும் வார்த்தைகளில் வர்னிக்க முடியாத பரவசத்தை இம்மாதம் முழுதும் தருகின்றன இம்மாதத்தின் நிறைவில் அந்தி சாயும் பொன்மாலை பொழுதில் வானத்தில் வளைந்த கவிதையாய் தென்படும் பிறையை பார்த்த மகிழ்ச்சியில் ஈதுல் ஃபித்ர் எனும் பெருநாளை கொண்டாட உலகமெங்கும் முஸ்லிம்கள் தயாராகிறார்கள் புத்தாடைகளையும், வாசனை திரவியங்களையும், மனம் வீசும் ருசிகர உணவுகளையும்தாண்டி இறைவனை புகழ்பாடி தொடங்கும் பெருநாள் தொழுகையும், அங்கே ஒருவரையொருவர் பகை மறந்து, மனமுவந்து, கட்டிப்பிடித்து வாழ்த்துக்களை கூறும் உணர்ச்சிமயமான நிகழ்வுகள் இந்த நாள் மீன்டும் எப்போது வரும் என்ற ஏக்கத்தை ஏற்படுத்துகின்றன அன்றைய தினம் அறிந்தவர்களுக்கும், அறியாதவர்களுக்கும்  அள்ளி,