அன்புக்குரிய கிருஸ்தவ பெருமக்கள் கொண்டாடி மகிழும் பண்டிகைகளுள் முதன்மையானது கிருஸ்துமஸ் பண்டிகை.
அறத் தொண்டுகள் மூலம் உலக மக்களின் இதயங்களை வென்றிருக்கும் கிருஸ்தவ சகோதர, சகோதரிகள் இப் பண்டிகையில் புத்தெழுச்சியோடு ஒன்று கூடி மகிழ்கிறார்கள்.
நம் இந்திய திருநாட்டில் கல்வி நிறுவனங்கள், அனாதை இல்லங்கள், குழந்தைகள் காப்பகங்கள், முதியோர் சேவகங்கள், மருத்துவ மனைகள் என அவர்கள் ஏற்படுத்தியிருக்கும் சேவை தளங்கள் நம் அனைவரின் அன்றாட வாழ்வோடு பிணைந்திருக்கிறது.
அது தான் சமூக நல்லிணக்கம் வலிமை பெறவும், சமூகநீதி செழிக்கவும் துணை நிற்கிறது.
அதை நாட்டு மக்கள் எண்ணி மகிழ்கிறார்கள். நன்றி பாராட்டுகிறார்கள்.
இத்தருணத்தில் கிருஸ்துமஸ் பண்டிகையை கொண்டாடி மகிழும் அன்புக்குரிய கிருஸ்தவ உறவுகளுக்கு மனிதநேய ஜனநாயக கட்சியின் சார்பில் மனமார்ந்த கிருஸ்துமஸ் வாழ்த்துக்களை தெரிவித்துக் கொள்கிறோம்.
உலகில் அமைதியும், வளமும் பெருக இந்நாளில் உறுதியேற்போம்.
இவண்,
மு.தமிமுன் அன்சாரி,
#பொதுச்செயலாளர்,
#மனிதநேய_ஜனநாயக_கட்சி
24.12.2021