செப். 11, மத்திய பாஜக அரசு கொண்டு வந்த விவசாயிகளுக்கு விரோதமான விவசாயத்தை அழிக்கின்ற அவசர சட்டங்களை ரத்து செய்ய வலியுறுத்தியும், மாவட்டத்தில் கிசான் நிதியுதவி திட்டத்தில் பலகோடிகள் முறைகேடு நடைப்பெற்றதைக் கண்டித்தும் பெரம்பலூர் பழைய பேருந்து நிலையம் காந்தி சிலை அருகில் நேற்று கண்டன ஆர்ப்பாட்டம் நடைப்பெற்றது. அகில இந்திய விவசாயிகள் போராட்ட ஒருங்கிணைப்பு குழு மற்றும் அனைத்து விவசாயிகள் சங்க கூட்டமைப்பு சார்பில் நடைப்பெற்ற போராட்டத்திற்கு ஆதரவு தெரிவித்து மனிதநேய ஜனநாயக கட்சியினர் மாவட்ட செயலாளர் தாழம்பாடி முஜிப் ரஹ்மான் தலைமையில் கலந்து கொண்டு கண்டனத்தை பதிவு செய்தனர். தொடர்ந்து விவசாயிகளுக்கு ஆதரவாக கையெழுத்து இயக்கம் தொடங்கப்பட்டு வந்திருந்த அனைவரிடமும் கையொப்பம் பெறப்பட்டது. தமிழகமெங்கும் ஒரு கோடி கையெழுத்துக்கள் பெற்று தபால் மூலம் பிரதமர் மோடிக்கு அனுப்பி வைக்கப்பட உள்ளது. தகவல்; #மஜக_தகவல்_தொழில்நுட்ப_அணி, #MJKitWING #பெரம்பலூர்_மாவட்டம்.

செப் 11, நாகை மாவட்டம் திட்டச்சேரி மற்றும் புறாக்கிராமத்தில் மஜகவில் திரளான இளைஞர்களும், மாணவர்களும் தங்களை இணைத்துக் கொண்டனர். அவர்கள் கடந்த செப் - 9 அன்று பொதுச் செயலாளர் மு.தமிமுன் அன்சாரி MLA அவர்களை சந்தித்து வாழ்த்துப் பெற்றனர். அவர்களை வரவேற்று அவர் பேசிய உரையின் முக்கிய பகுதிகள் பின்வருமாறு... மனிதநேய ஜனநாயக கட்சியில் உங்களை இணைத்துக் கொண்டதற்கு முதலில் வாழ்த்துக்களையும், நன்றிகளையும் தெரிவித்துக்கொள்கிறேன். கொரோனா நெருக்கடிக் காலகட்டத்தில் கடந்த ஐந்து மாதத்தில் எல்லோரும் ஊரடங்கிலே ஒரு வகையான சூழலில் பொழுது, மனிதநேய ஜனநாயக கட்சிதான் களத்தில் ; ஊரடங்கு விதிகளை மீறாத வண்ணம் ; அதே நேரத்தில் மக்களின் உணர்வுகளை பிரதிபலிக்கும் வண்ணம் போராட்டங்களை நடத்தி வந்திருக்கிறது. அது முள்ளிவாய்க்கால் இனப்படுகொலைக்கு எதிரான போராட்டமாக இருக்கலாம். காவிரி உரிமை மீட்புக்கான போராட்டமாக இருக்கலாம். வெளிநாடுகளில் சிக்கி தவித்த தமிழர்களை தாயகம் அழைத்து வருவதற்கான போராட்டமாக இருக்கலாம். பத்தாண்டுகள் நிறைவு செய்த ஆயுள் தண்டனை கைதிகளை முன் விடுதலை செய்ய அரசை வலியுறுத்திய போராட்டமாக இருக்கலாம். நான்கு வகையான பெரும் கொண்ட போராட்டங்களை நடத்தி தமிழக மக்களுடைய கவனத்தை ஈர்த்து, மத்திய-மாநில

நீட் தேர்வு காரணமாக மன உளைச்சலில் மாணவர் விக்னேஷ் தற்கொலை செய்துக் கொண்ட செய்தி அறிந்து அதிர்ச்சியுற்றோம். மாணவர் விக்னேஷ் அவர்களின் மரணம் நீட் தேர்வுக்கு எதிரான நடைமுறை சிக்கல்களை மீண்டும் மக்கள் மன்றத்தில் வெளிச்சம் போட்டு காட்டியிருக்கிறது. இத்தருணத்தில் ஒன்றை நினைவூட்ட கடமைப்பட்டிருக்கிறோம். தற்கொலை இதற்கு தீர்வல்ல. இது தங்களை ஈன்ற பெற்றோர்களுக்கும், மற்றவர்களுக்கும் ஆறாத ரணத்தை ஏற்படுத்தும் என்பதை மாணவ, மாணவிகள் புரிந்துக் கொள்ள வேண்டும். எனவே வாழ்ந்து போராட வேண்டும் என்ற எண்ணத்தை , தற்கொலை எதிர்ப்பு தினமான இன்று உறுதி மொழியாக முன்னெடுக்க வேண்டும் என மாணவ, மாணவிகளை கேட்டுக் கொள்கிறோம். மாணவர் விக்னேஷ் அவர்களை இழந்து வாடும் பெற்றோர்களுக்கும், உறவுகளுக்கும் மனிதநேய ஜனநாயக கட்சியின் சார்பில் ஆறுதலை தெரிவித்துக் கொள்கிறோம். இவண், மு.தமிமுன் அன்சாரி MLA, பொதுச் செயலாளர், #மனிதநேய_ஜனநாயக_கட்சி. 10.09.2020