நாகப்பட்டிணம்

image

(மஜக பொதுச்செயலாளர் M.தமிமுன் அன்சாரி MLA அவர்களின் சமூக இணையதள பதிவு)

மஜகவின் சார்பில் நானும், கொங்கு இளைஞர் பேரவை சார்பில் அண்ணன் தனியரசு MLA அவர்களும் குமரி மாவட்டத்தில் புயலால் பாதித்த பகுதிகளையும், காணாமல் போன மீனவர்களின் குடும்பத்தினரையும் பார்க்க சென்றிருந்தோம். அங்கே கருணாஸ் அவர்கள் வருவதாக கூறியிருந்தார், ஆனால் கடைசி நேரத்தில் வர இயலாமல் போய்விட்டது.

எங்களோடு வருகை தந்த மஜக சொந்தங்களோடு கடலோர பகுதிகளுக்கு சென்றப் போது, அங்கு நிலவிய கொந்தளிப்புகளை நேரில் கண்டோம்.

எங்கும் துக்கமயமாக இருந்தது, அழுகுரல் கேட்டுக் கொண்டே இருந்தது. வெவ்வேறு குரல்கள் ஒரே மொழியில் கதறின. அவர்களுக்கு ஆறுதல் கூறிவிட்டு பத்திரிக்கையாளர்களை சந்தித்தோம்.

தமிழக முதல்வர் உடனடியாக இங்கு வந்து இம்மக்களை நேரில் சந்தித்து பேச வேண்டும்; கேரளா அரசு கொடுத்தது போல, இங்கும் 20 லட்சம் ரூபாயை நிவாரண உதவியாக கொடுக்க வேண்டும்; இறந்த மீனவர்களின் வீட்டுக்கு ஒரு அரசு வேலை வழங்க வேண்டும்; கடலுக்கு போகாத நாட்களை கணக்கிட்டு அவர்களுக்கு இழப்பீடுகளை வழங்க வேண்டும், என கோரிக்கைகளை அரசுக்கு வைத்துவிட்டு, உளவுத்துறை அதிகாரிகளிடமும் இதை மேலிடத்தில் கூறுங்கள் என்று கேட்டுக் கொண்டோம்.

எங்கள் கோரிக்கைகளை ஏற்கும் விதமாகவும், மீனவர்களின் உணர்வுகளை மதிக்கும் விதத்திலும் முதல்வர் குமரிக்கு வருகை தந்து, பல்வேறு அறிவிப்புகளை வெளியிட்டது ஆறுதல் தருகிறது. முதல்வருக்கு நன்றி கூறுகிறோம்.

ஆனால், முதல்வர் போராட்டக் களத்திற்கு சென்று, பொது மக்களை சந்தித்து ஆறுதல் கூறியிருந்தால், அது அவருக்கு மேலும் சிறப்பு சேர்த்திருக்கும்.

அவர் மக்கள் கோபத்துக்கு அஞ்சி தவிர்த்திருக்கலாம் என சொல்லப்படுகிறது. பா.ஜ.கவிற்கும், மீனவர்களுக்கும் அங்கு பகிரங்கமாக பனிபோர் நடந்து வரும் நிலையில் எதற்கு வம்பு ? என இப்படி  நடந்துக் கொண்டாரா ? என்ற கேள்வியும் எழுகிறது.

அங்கு சென்ற முதல்வர் அவர்கள், மக்கள் அதிகாரம் உள்ளிட்ட அமைப்பினர் மீதும், ஆயிரக்கணக்கான பொதுமக்கள் மீதும் போடப்பட்ட வழக்குகளை திரும்ப பெறுவதாக அறிவிப்பார் என்ற எதிர்பார்ப்பும் இருந்தது. அது பற்றி அவர் வாய் திறாக்காதது வருத்தம் அளிக்கிறது.

கிருஸ்துமசுக்கு முன்னதாக டிசம்பர் 22 தேதிக்குள், காணாமல் போன 700 மீனவர்களும்  திரும்ப வருவார்கள் என்ற நம்பிக்கை நிறைவேற வேண்டும். இல்லையேல் மீனவ மக்களின் கேள்விகளுக்கும், குமுறல்களுக்கும் யாராலும் பதில் அளிக்க முடியாது. நல்லதே நடக்க பிராத்திப்போம்.

இவண்,
M.தமிமுன் அன்சாரி MLA
14/12/2017.

image

(மஜக பொதுச்செயலாளர் M.தமிமுன் அன்சாரி MLA அவர்களின் சமூக இணையதள பதிவு)

மஜகவின் சார்பில் நானும், கொங்கு இளைஞர் பேரவை சார்பில் அண்ணன் தனியரசு MLA அவர்களும் குமரி மாவட்டத்தில் புயலால் பாதித்த பகுதிகளையும், காணாமல் போன மீனவர்களின் குடும்பத்தினரையும் பார்க்க சென்றிருந்தோம். அங்கே கருணாஸ் அவர்கள் வருவதாக கூறியிருந்தார், ஆனால் கடைசி நேரத்தில் வர இயலாமல் போய்விட்டது.

எங்களோடு வருகை தந்த மஜக சொந்தங்களோடு கடலோர பகுதிகளுக்கு சென்றப் போது, அங்கு நிலவிய கொந்தளிப்புகளை நேரில் கண்டோம்.

எங்கும் துக்கமயமாக இருந்தது, அழுகுரல் கேட்டுக் கொண்டே இருந்தது. வெவ்வேறு குரல்கள் ஒரே மொழியில் கதறின. அவர்களுக்கு ஆறுதல் கூறிவிட்டு பத்திரிக்கையாளர்களை சந்தித்தோம்.

தமிழக முதல்வர் உடனடியாக இங்கு வந்து இம்மக்களை நேரில் சந்தித்து பேச வேண்டும்; கேரளா அரசு கொடுத்தது போல, இங்கும் 20 லட்சம் ரூபாயை நிவாரண உதவியாக கொடுக்க வேண்டும்; இறந்த மீனவர்களின் வீட்டுக்கு ஒரு அரசு வேலை வழங்க வேண்டும்; கடலுக்கு போகாத நாட்களை கணக்கிட்டு அவர்களுக்கு இழப்பீடுகளை வழங்க வேண்டும், என கோரிக்கைகளை அரசுக்கு வைத்துவிட்டு, உளவுத்துறை அதிகாரிகளிடமும் இதை மேலிடத்தில் கூறுங்கள் என்று கேட்டுக் கொண்டோம்.

எங்கள் கோரிக்கைகளை ஏற்கும் விதமாகவும், மீனவர்களின் உணர்வுகளை மதிக்கும் விதத்திலும் முதல்வர் குமரிக்கு வருகை தந்து, பல்வேறு அறிவிப்புகளை வெளியிட்டது ஆறுதல் தருகிறது. முதல்வருக்கு நன்றி கூறுகிறோம்.

ஆனால், முதல்வர் போராட்டக் களத்திற்கு சென்று, பொது மக்களை சந்தித்து ஆறுதல் கூறியிருந்தால், அது அவருக்கு மேலும் சிறப்பு சேர்த்திருக்கும்.

அவர் மக்கள் கோபத்துக்கு அஞ்சி தவிர்த்திருக்கலாம் என சொல்லப்படுகிறது. பா.ஜ.கவிற்கும், மீனவர்களுக்கும் அங்கு பகிரங்கமாக பனிபோர் நடந்து வரும் நிலையில் எதற்கு வம்பு ? என இப்படி  நடந்துக் கொண்டாரா ? என்ற கேள்வியும் எழுகிறது.

அங்கு சென்ற முதல்வர் அவர்கள், மக்கள் அதிகாரம் உள்ளிட்ட அமைப்பினர் மீதும், ஆயிரக்கணக்கான பொதுமக்கள் மீதும் போடப்பட்ட வழக்குகளை திரும்ப பெறுவதாக அறிவிப்பார் என்ற எதிர்பார்ப்பும் இருந்தது. அது பற்றி அவர் வாய் திறாக்காதது வருத்தம் அளிக்கிறது.

கிருஸ்துமசுக்கு முன்னதாக டிசம்பர் 22 தேதிக்குள், காணாமல் போன 700 மீனவர்களும்  திரும்ப வருவார்கள் என்ற நம்பிக்கை நிறைவேற வேண்டும். இல்லையேல் மீனவ மக்களின் கேள்விகளுக்கும், குமுறல்களுக்கும் யாராலும் பதில் அளிக்க முடியாது. நல்லதே நடக்க பிராத்திப்போம்.

இவண்,
M.தமிமுன் அன்சாரி MLA
14/12/2017.

image

(மனிதநேய ஜனநாயக கட்சி பொதுச்செயலாளர் M.தமிமுன் அன்சாரி MLA, வெளியிடும் அறிக்கை)

ராஜஸ்தானில் கொள்ளையர்களை பிடிக்க சென்ற காவல் துறை ஆய்வாளர் பெரியபாண்டி அவர்கள் அதே கொள்ளையர்களால் கொலை செய்யப்பட்ட செய்தி பெரும் அதிர்ச்சியை ஏற்படுத்திருக்கிறது.

அவரது உயிர் தியாகம் தமிழக மக்களை உலுக்கியிருக்கிறது. அவரை இழந்து வாடும் குடும்பத்தினருக்கு மனிதநேய ஜனநாயக கட்சியின் சார்பில் எமது ஆழ்ந்த இரங்கலை தெரிவித்துக் கொள்கிறோம்.

அவரோடு கூடுதல் காவலர்களை அனுப்பி இருந்தால், இந்த துயர  சம்பவத்தை தவிர்த்திருக்கலாம் என்ற கருத்து நியாமானது.

இனி வரும் காலத்தில், காவல்துறை மேலிடம் இதுபோன்ற நிகழ்வுகளில் கூடுதல் கவனம் செலுத்துவது அவசியம் என்பது இதன் மூலம் தெரிய வருகிறது.

அவரது குடும்பத்திற்கு ஆறுதலாக தமிழக அரசு 1 கோடி ரூபாயை இழப்பீடாகவும், அவரது குடும்பத்திற்கு ஒரு அரசு வேலையும் வழங்க வேண்டும் என்றும் கேட்டுக் கொள்கிறோம்.

இவண்,

M.தமிமுன் அன்சாரி MLA
பொதுச்செயலாளர்
மனிதநேய ஜனநாயக கட்சி.
13/12/2017.

image

image

image

குமரி.டிச.13., கன்னியாகுமரி மாவட்டத்தில் ஓகி புயலால் காணாமல் போன மீனவர்களுக்காக, அம் மாவட்ட மக்கள் நடத்தி வரும் போராட்டங்களுக்கு ஆதரவு தெரிவித்து மஜக பொதுச் செயலாளரும், நாகை சட்டமன்ற உறுப்பினருமான
M.தமிமுன் அன்சாரி அவர்கள் இரவிபுத்தூர் துறை, வள்ளவிளை, மார்த்தாண்டன்துறை ஆகிய பகுதிகளில் போராடும் மக்களை சந்தித்து பேசினார்.

நாகை நம்பியார் நகர், ஆரிய நாட்டுத் தெரு ஆகிய பகுதிகளை சேர்ந்த 12 மீனவர்கள் கடலுக்கு புறப்பட்ட வள்ள விளை பகுதிக்கு சென்று அவர்கள் குறித்த விபரங்களை விசாரித்தார்.

பிறகு மாலை 5 மணிக்கு நாகர்கோவில் கலெக்டர் அலுவலகத்திற்கு வந்தார். அங்கு கலெக்டர் சுற்றுப் பயணத்தில் இருப்பதாக அதிகாரிகள் கூறினர். உடனே கலெக்டரை தொலைபேசியில் தொடர்பு கொண்டு நாகையை சேர்ந்த 12 மீனவர்கள் உட்பட அனைவரையும் தேடும் பணிகள் குறித்து கேட்டறிந்தார்.

பிறகு, கலெக்டரின் வேண்டுகோள்படி நாகையை சேர்ந்த 12 மீனவர்கள் குறித்த பெயர் மற்றும் விபரங்களை கலெக்டர் அலுவலகத்தில் செயல்படும் குமரி மாவட்ட பேரிடர் மேலாண்மை குழுவிடம் ஒப்படைத்தார். அப்போது  உ.தனியரசு MLA உள்ளிட்டோர் உடனிருந்தனர்.

பிறகு வெளியே வந்ததும், பத்திரிக்கையாளர்களை சந்தித்த தமிமுன் அன்சாரி MLA அவர்கள், மீனவர்களை தேடும் பணியில் தேசிய பேரிடர் மீட்பு குழுவையும், அவர்களுடன் மீனவர்களையும் ஈடுபடுத்த வேண்டும் என்றும், 1000 கிலோ மீட்டர் தூரத்திற்கு தேடுதல் வேட்டையை நடத்த வேண்டும் என்றும் கேட்டுக் கொண்டார்.

மேலும், மீனவர்களுக்காக ரயில் மறியல் போராட்டம் நடத்திய ஆயிரகணக்கான நபர்கள் மீது போடப்பட்ட வழக்குகளையும் வாபஸ் பெற வேண்டும் என்றும், மக்கள் அதிகாரம் அமைப்பினர் மீது தாக்குதல் நடத்திய காவலர்கள் மீது நடவடிக்கை எடுக்க வேண்டும் என்றும் கேட்டுக் கொண்டார்.

தகவல்;
#நாகை_சட்டமன்ற_உறுப்பினர்_அலுவலகம்.
12.12.17

image

image

மயிலாடுதுறை.டிச.10., நாகை வடக்கு மாவட்டம் நக்கம்பாடி ஜமாத்தார்கள் ஒருங்கிணைத்த முப்பெரும் விழாவில் மஜக பொதுச்செயலாளர் எம்.தமிமுன் அன்சாரி MLA அவர்கள் சிறப்பு விருந்தினராக பங்கேற்றார்.

அப்போது பேசிய அவர் ஜமாத் பெரியவர்கள் இளைஞர்களை வழி நடத்துவது குறித்தும் ஆக்கப்பூர்வமான பணிகளில் ஈடுபடுத்துவது குறித்தும் எடுத்துரைத்தார்.

இந்த முப்பெரும் விழாவில் மஜக பொதுச்செயலாளர் எம்.தமிமுன் அன்சாரி MLA அவர்களும், தமுமுக நிறுவனர் குணங்குடி அனிபா அவர்கள், முஸ்லிம் லீக் முன்னால் பாராளுமன்ற உறுப்பினர் அப்துல்ரஹ்மான், காங்கிரஸ் மூத்ததலைவர்களில் ஒருவர் இனாயத்துல்லா, மற்றும் பல்வேறு சமுதாய தலைவர்களும் பங்கெடுத்தனர்.

தகவல்
#மஜக_தகவல்_தொழில்நுட்ப_அணி
#MJK_IT_WING
#மஜக_நாகை_வடக்கு_மாவட்டம்
10.12.17

image

நாகப்பட்டினம்.டிச.10., மனிதநேய ஜனநாயக கட்சியின் நாகை தெற்கு
மாவட்ட துணைச் செயலாளர் ஹமீத்
ஜெஹபர் அவர்களின் தந்தை
இன்று (10.12.17) மரணமடைந்தார்கள்.

மஜக மாநில பொருளாளர் S.S.ஹாரூன் ரஷீத், தலைமை ஒருங்கிணைப்பாளர் மௌலா நாசர், தலைமை நிர்வாக குழு உறுப்பினர் J.S.ரிஃபாயி, இணை பொதுச்செயலாளர் K.M.மைதின் உலவி, துணை பொதுச்செயலாளர் மண்டலம் ஜெய்னுலாப்தீன் ஆகியோர் ஆறுதல் கூறினார்கள்.

தலைமை செயற்குழு உறுப்பினர் செய்யது அபுதாஹிர், தகவல் தொழில்நுட்ப அணி மாநில துணைச் செயலாளர் சிக்கந்தர் பாஷா, மாநில இளைஞர் அணி துணைச் செயலாளர் N.அன்வர் பாஷா, மாநில செயற்குழு உறுப்பினர் நாகை சதகத்துல்லாஹ் மற்றும் நிர்வாகிகள் உடனிருந்தார்கள்.

தகவல்:

#மஜக_தகவல்_தொழில்நுட்ப_அணி
#MJK_IT_WING
#நாகை_தெற்கு_மாவட்டம்
10.12.2017.

image

image

image

நாகை. டிச.10., நாகை நம்பியார் நகரை சேர்ந்த 11மீனவர்களும், நாகை ஆரிய நாட்டு தெருவை சேர்ந்த ஒரு மீனவரும் குமரி மாவட்டத்தில் மீன் பிடிக்க சென்றபோது ஓகி புயலில் சிக்கி காணாமல் போய்விட்டனர்.

கடந்த டிசம்பர் 7ஆம் தேதி இதுகுறித்து தமிழக முதல்வரையும் , மீன்வளத்துறை அமைச்ச்ர் திரு,ஜெயக்குமாரையும் நேரில் சந்தித்து #M_தமிமுன்_அன்சாரி_MLA அவர்கள் முறையிட்டார்கள்.

இந்நிலையில், கடந்த 9ஆம் தேதி முதல் நாகையை சேர்ந்த 12 மீனவர்களையும் மீட்டுதர கோரி நம்பியார் நகரில் மீனவ மக்கள் காலவரையற்ற போராட்டத்தில் ஈடுபட்டுள்ளனர். அவர்களை இன்று காலை 10 மணிக்கு நாகை சட்டமன்ற உறுப்பினர் M.தமிமுன் அன்சாரி அவர்கள் நேரில் சந்தித்து ஆறுதல் கூறினார்.

அப்போது மீனவ பெண்கள் MLA  அவரகளின் கரத்தை பற்றிப்பிடித்து கதறி அழுதனர். அவர்களிடம் மீட்பு பணிகள் குறித்து தொடர்ந்து பேசிவருவதாக MLA  கூறினார்.

பிறகு, மீனவ பஞ்சாயத்தார்களை சந்தித்து அவர்களின் கோரிக்கைகளை பெற்றுக்கொண்டார். நாளை கன்னியாகுமரிக்கு செல்வதாகவும் அங்கு பேரிடர் மீட்பு குழுவிடம் இது குறித்து பேசுவதாகவும் கூறினார்.

பிறகு நடைபெற்ற பத்திரிக்கையாளர் சந்திப்பில் MLA பேசும் போது, மத்திய மாநில அரசுகள் கடலில் 500 கி.மீ தூரத்திற்கு தேடுதல் வேட்டை நடத்த வேண்டுமென்றும், மீட்பு பணியில் மீனவர்களையும் இணைத்து ஈடுபடுத்த வேண்டும் என்றும் கேட்டுக்கொண்டார்.

தகவல்;
#நாகை_சட்டமன்ற_உறுப்பினர்_அலுவலகம்.
10.12.17

image

சென்னை.டிச.08.,தமிழக முதல்வர் திரு எடப்பாடியார் அவர்களை மனிதநேய ஜனநாயக கட்சி (மஜக) பொதுச்செயலாளர் M.தமிமுன் அன்சாரி MLA அவர்கள், அவரது  கீரீன்வேஸ் சாலை இல்லத்தில் நேற்று இரவு சந்தித்தார்.

முத்தலாக் குறித்து மத்திய அரசு கொண்டுவர உள்ள விரைவு சட்டத்திற்கு தமிழக அரசு எதிர்ப்பு தெரிவிக்க வேண்டும் என்று மஜகவின் சார்பில் முதல்வரிடம் கடிதத்தை கொடுத்தார்.

அதைப் படித்துப் பார்த்த  முதல்வர் நிச்சயமாக தமிழக அரசு சார்பில் இதற்கு எதிர்ப்பு தெரிவிப்போம் என்று உறுதியளித்தார்.

அடுத்து கன்னியாகுமரி மாவட்ட மீனவர்களின் பிரச்சனை குறித்து உரிய நடவடிக்கைகளை எடுக்க வேண்டும் என்றும், அங்கு நடைபெறும் போராட்டங்களை அரசு கவனத்தில் கொள்ளவேண்டும் என்றும் மஜக பொதுச் செயலாளர் கூறினார்.

இதுகுறித்து முதல்வர்
தமிழக அரசு தீவிர முயற்சிகளை எடுத்து வருவதாகவும் கூறினார்.

தற்போது குஜராத்தில் ஓகி புயலால் கரை  ஒதுங்கியுள்ள குமரி மாவட்ட மீனவர்களை விரைவில் தமிழகத்திற்கு கொண்டு வரவேண்டும் என்றும், அவர்கள் திரும்பி வர ஒரு படகிற்க்கு  750 லிட்டர் டீசல் வழங்கப்படும் என அரசு அறிவித்ததை 1500 லிட்டர் டீசலாக உயரத்தித் தர வேண்டும் என்றும், அவர்களுக்கு  நபர் ஒன்றுக்கு 1000 ரூபாய் வழங்கப்பட்டதை கூடுதலாக உயர்த்தித் தர வேண்டும் என்றும், பொதுச்செயலாளர் முதல்வரிடம் எடுத்து கூறினார்.

இவை அனைத்தும் கவனத்தில் கொள்வதாகவும் உரிய நடவடிக்கைகள் எடுக்கப்படும் என்றும் முதல்வர் கூறினார்.

மேலும் நீதிபதிகள் நியமனம் IAS, IPS பணிகளில் ஆள் எடுப்பு ஆகியவை அனைத்திலும் சமுதாயத்தினருக்கும், உரிய இட ஒதுக்கீடும், சமூகநீதி பேணப்பட வேண்டும் என்ற கோரிக்கைகளையும் முதல்வரிடம் எடுத்துரைத்தார்.

இது தவிர நாகப்பட்டினம் வர்த்தக துறைமுகத்தை மேம்படுத்த உரிய நடவடிக்கைகளை எடுக்குமாறும் கேட்டுக்கொண்டார்.

பொதுச்செயலாளருடன் மஜக மாநில  செயலாளர்கள் N.A.தைமியா, A.சாதிக் பாஷா, மாநில துணை செயலாளர்கள்
J.M.வசீம் அக்ரம், ஷமீம் மற்றும் இளைஞர் அணி மாநில துணை செயலாளர் அன்வர் ஆகியோரும் உடன் இருந்தார்கள்.

தகவல்:

#மஜக_தகவல்_தொழில்நுட்ப_அணி
#MJK_IT_WING
#மஜக_தலைமையகம்
08.12.2017

image

image

image

image

நாகை. டிச.06., பாபர் மஸ்ஜித் வழக்கில் சட்டத்தின் அடிப்படையில் விரைந்து தீர்ப்பு வழங்க வேண்டும் என்ற ஒற்றைக் கோரிக்கையை முன்னிறுத்தி, மனிதநேய ஜனநாயக கட்சி சார்பில் தமிழ்நாடு மற்றும் புதுச்சேரி மாநிலங்களில் உள்ள அனைத்து மாவட்ட தலைநகரங்கள் மற்றும் முக்கிய நகரங்களில் ரயில் நிலைய முற்றுகைப் போர் எழுச்சியோடு நடைப்பெற்றது.

இதில் பல்வேறு மதங்களை சேர்ந்த பொதுமக்களும, சமூக நீதி மற்றும் மதச்சார்பற்ற கட்சிகள், அமைப்புகளை சேர்ந்த தலைவர்களும், பிரநிதிகளும் பங்கேற்றனர். 

நாகை தெற்கு மாவட்ட மஜக சார்பில் நாகை இரயில் நிலையம் முன்பு நடைபெற்ற போராடத்திற்கு மாவட்டச் செயலாளர் செ.செய்யது ரியாசுதீன் அவர்கள் தலைமை வகித்தார்.

மஜக தலைமை நிர்வாக குழு உறுப்பினர் மௌலவி. ஜெ.எஸ். ரிஃபாயி அவர்கள் கண்டன உரையாற்றினார்.

இதில் இந்திய கம்யூனிஸ்ட் மாநில கட்டுபாட்டுக்குழு உறுப்பினர் பாண்டியன், திராவிட கழக மாவட்ட செயலாளர் புபேஸ் குப்தா, விடுதலை சிறுத்தைகள் கட்சி நாகை சட்டமன்ற தொகுதி செயலாளர் அறிவழகன்,  நாம் தமிழர் கட்சி மாவட்ட செயலாளர் சிவானந்தம், அப்துல் கலாம் பேரியக்கம் நிறுவனர் பாரதி.செந்தமிழன் ஆகியோர் கலந்துக்கொண்டு உரையாற்றினார்கள்.

இப்போராட்டத்தில் தலைமை செயற்குழு உறுப்பினர் சதக்கத்துல்லாஹ், மாவட்ட பொருளாளர் பரக்கத் அலி, மாவட்ட துணை செயலாளர்கள் ஹமீது ஜெகபர், ஷேக் மன்சூர், மாவட்ட அணி செயலாளர்கள் பிஸ்மி.யூசுப், அல்லாபிச்சை, சாகுல் ஹமீது, ஆரிஃப், ரெக்ஸ்.சுல்தான், அப்துல் அஜீஸ், அப்துர் ரஹ்மான் ஆகியோர் முன்னிலை வகித்தனர்.

ஒன்றிய, நகர, கிளை நிர்வாகிகள், கட்சி சகோதரர்கள் ஆண்கள், பெண்கள் உட்பட சுமார்  800-க்கும் மேற்பட்டோர் இப்போராட்டத்தில் பங்கேற்றனர்.

தகவல்,
#மஜக_தகவல்_தொழில்நுட்ப_அணி
#MJK_IT_WING
#மஜக_நாகை_தெற்கு
06/12/2017

image

(மஜக பொதுச்செயலாளர் M.தமிமுன் அன்சாரி MLA அவர்களின் சமூக இணையதள பதிவு)

கடந்த வருடம் இதே நாளில் (04/12/2017) சிவகங்கை மாவட்டம் இளையாங்குடியில் ஒரு திருமண நிகழ்வில் பங்கேற்பதற்காக சென்றிருந்தேன், அங்கு என்னோடு ஹாரூன், நாசர், மைதீன் உலவி, செல்லச்சாமி ஆகியோரும் இருந்தனர்.

மாலை 6 மணியளவில் தொலைக் காட்சிகளில் பரபரப்பான செய்தி ஒடியது. அப்பபோலோவில் அனுமதிக்கப்பட்ட முதல்வர் ஜெயலலிதா அம்மா அவர்கள் உடல்நிலை மீண்டும் பாதிக்கப்பட்டதாக செய்திகள் வர பரபரப்பு தொற்றியது.

அந்த திருமண நிகழ்வு மாலை 7 மணியளவில் நடந்தது. அதற்கு மானாமதுரை தொகுதி அதிமுக சட்டமன்ற உறுப்பினர் கென்னடி மாரியப்பன் வந்திருந்தார். கோயிலுக்கு சென்று பிரார்த்தனைகளில் ஈடுபடுமாறு தலைமையகத்திலிருந்து உத்தரவு வந்ததாக கூறி, உடனே புறப்பட்டார்.

நேரம் ஆக, ஆக தொலைக்காட்சிகளில் விவாதங்கள் உருவாகிறது.

நாங்கள் அனைவரும் மிகுந்த கவலையடைந்தோம். தொலைக்காட்சிகள் என்னிடம் அலைப்பேசி வழியாக பேட்டி அடுத்து நேரலையாக ஒளிப்பரப்பினார்கள்.

அதுபோல பல தலைவர்களிடமும் நள்ளிரவு வரை பேட்டி எடுத்துக்கொண்டே இருந்தார்கள்.
அன்று இரவுப் பொழுது கழிந்து, காலை விடிந்ததும் பத்திரிக்கைகளிலும் இதுதான் தலைப்புச் செய்தி.

நாங்கள் பாபர் மஸ்ஜித் இடிப்பு தினமான டிசம்பர் 6 அன்று போராட்டத்தை அறிவித்திருந்தோம். தமிழக முதல்வரின் உடல் நலமும், அவர் மீண்டு வருவதும் கேள்விக்குறியாகியுள்ள நிலையில், அசாதாரணமான சூழலில் ஒரு போராட்டத்தை எப்படி நடத்துவது என்று ஹாரூணின் வீட்டில் நாங்கள் 5 பேரும் அவசரமாக ஆலோசித்தோம். சக நிர்வாகிகளிடமும் “வாட்ஸ்ஆப்” குழுமத்தில் கருத்து கேட்டோம்.

எல்லோரும் ஒரு அசாதரனமான நிலையில் போராட்டத்தை ரத்து செய்யலாம் என கூறினார். அதை ஏற்று தமிழக முதல்வரின் உடல் நலன் மற்றும் மருத்துவமணை செய்திகளை கருத்தில் கொண்டு டிசம்பர் 6 போராட்டம் ரத்து என்று அறிவித்தோம்.

மஜகவை பின்பற்றி அடுத்த 1 மணி நேரத்தில் மற்ற அமைப்புகளும் ரத்து செய்தன.

நிலைமையின் தீவிரத்தை கருத்தில் கொண்டு, நான் மதுரையிலிருந்து விமானத்தில், சென்னை புறப்பட்ட தயாரானேன். இளையாங்குடியிலிருந்து மதுரை நோக்கி மைதீன் உலவி, செல்லச்சாமி ஆகியரோடு புறப்பட்டேன்.

மதுரை விமான நிலையத்தில் பீட்டர் அல்போன்ஸ், மனோகரன் MLA போன்றோரும் அதே விமானத்திற்காக காத்திருந்தார்கள். மூவரும் ஜெயலலிதா அம்மாவின் உடல்நிலை குறித்து கவலையோடு பேசிக் கொண்டோம்.

விமானம் சென்னையில் தரையிறங்கி, வெளியே வந்ததும் பத்திரிக்கையாளர்கள் அங்கு குழுமியிருந்தனர். முதல்வர் அம்மாவின் உடல் நலன் தேற பிராத்திப்போம் என கூறிவிட்டு அங்கிருந்து புறப்பட்டேன்.

நேரே அப்போலோ மருத்துவமணைக்கு சென்றேன். வழியெங்கும் மக்கள் கண்ணீரோடு கதறிக் கொண்டிருந்தார்கள். அப்போலோவை சுற்றிலும் 1 கிலோ மீட்டர் தூரத்திற்கு மக்கள் கூடியிருந்தனர்.

அப்போலோவில் நுழைந்ததும் இரண்டு அல்லது நான்காம் மாடி என நினைக்கிறேன். அமைச்சர்கள், சட்டமன்ற உறுப்பினர்கள், அதிமுக தலைவர்கள் சோகத்தோடு நின்றிருந்தார்கள்.

சரத்குமார், தனியரசு, கருணாஸ் போன்ற தோழமை தலைவர்களும் இருந்தார்கள். மருத்துவமனையில் நிலைமை மோசாமாக இருப்பதை உணர முடிந்தது.

மாலை 4 மணியளவில் சசிகலா அம்மையார் அவர்கள் கலங்கிய கண்களுடன், அம்மா அவர்கள் இருந்த பகுதிக்கு சென்றுவிட்டு வந்தார்.

சற்று நேரத்தில் DGP, கமிஷ்னர், உளவுத்துறை அதிகாரிகள் அங்கு வந்தனர் நிலைமை பரபரப்பானது.

நானும், சரத்குமார், தனியரசு, கருணாஸ் ஆகியோரும் மிகுந்த வேதனையோடு அம்மா அவர்கள் இருந்த அறைக்கு வெளியே நின்றிருந்தோம்.

5 மணி அளவில் அமைச்சர்களும், அதிமுக தலைவர்களும், சட்டமன்ற உறுப்பினர்களும் அந்த பகுதியில் கூட, நாங்கள் திடுக்கிட்டோம், சரத்குமார் அழுதே விட்டார்.

கொஞ்ச நேரரத்தில் அதாவது மாலை 5:30 மணி இருக்கும் என நினைக்கிறேன். தந்தி டிவியில் முதல்வர் ‘ஜெயலலிதா உயிரிழந்தார்’ என்ற செய்தி வெளியானது. எல்லோரின் அலைப்பேசிகளும் அலறின. மருத்துவமனையில் அதே போன்ற நிலை தான் இருந்தது. ஆனால், அதிகாரபூர்வமாக எதுவும் அறிக்கப்படவில்லை. ஆனால் பலரும் கதறினர்.

சற்று நேரத்தில் அந்த செய்தி தவறு என தந்தி தொலைக்காட்சியில் பாண்டே அவர்கள் மறுத்துவிட்டார். அதன் பின்னால் பதட்டம் குறைந்தது. ஆனால், அவநம்பிக்கை நீடித்தது.

இரவு 9 மணி இருக்கும் நானும், தனியரசும், அங்கிருந்து புறப்பட்டு விடுதிக்கு வந்தோம். தொலைக்காட்சிகளை பார்த்தப்படியே இருந்தோம்.

இரவு 11 மணிக்கு அப்போலோவிலிருந்து போயஸ் தோட்டம் செல்லும் வழியில் பாதுகாப்பு பலப்படுத்தப்படுவதாக செய்தி வெளியானது. நள்ளிரவு 11:30 க்கு முதல்வர் ஜெயலலிதா உயிரிழந்தாக தொலைக்காட்சிகள் சோக செய்தியை கூறின. தமிழக வரலாற்றில் துயரங்களை வெளிப்படுத்திய செய்திகளில் அதுவும் ஒன்று. அவர் இறந்தது டிசம்பர் நான்காம் தேதியா ? அல்லது ஐந்தாம் தேதியா ? என்ற குழப்பம் உறுத்தியது. கண்கள் கலங்கியது.

விடுதியில் இருந்த நானும், தனியரசும் உடனடியாக புறப்பட்டு போயஸ் தோட்டம் சென்றோம். எங்களுக்கு முன்பாகவே கருணாஸ் அங்கு வந்துவிட்டார்.

கடுமையான கூட்டம் கண்ணீரோடும், கதறலோடும் நின்றிருந்தது. நாங்கள் அந்த வீதிக்குள் செல்லும்போது ஆழமான வேதனைகள் வாட்டியது.

ஒரு அதிமுக தொண்டர் என்னைப் பார்த்ததும் “அன்சாரி பாய்… நீங்க சபையில் பேசும்போது அம்மா… குலுங்கி குலுங்கி சிரிப்பாங்களே பாய்…” அம்மா இப்ப போய்ட்டாங்களே… என கதறினார். எனக்கு ஒரு மாதிரியாகி விட்டது. பல அதிமுகவினர் எங்களின் கரத்தை பிடித்து அழ தொடங்கி விட்டனர்.

அம்மாவின் உடல் போயஸ் தோட்டத்திற்கு வருவது தாமதாமானது. அதனால் அருகில் நண்பர் ஒருவரின் வீட்டில் நானும், தனியரசும், கருணாசும் கொஞ்ச நேரம் இருந்தோம். அந்த நண்பர் யாசீன் எங்களோடு சோகத்தை பகிர்ந்துக்கொண்டிருந்தார்.

நள்ளிரவில் அவரது உடல் 75 நாட்கள் பரபரப்போடு இருந்த அப்போலோ மருத்துவமனையிலிருந்து ஆம்புலன்ஸ் வாகனத்தில் புறப்பட்டது.

நாங்கள் போயஸ் தோட்ட வாசலில் காத்திருந்தோம். அங்கு அமைச்சர்கள், சட்டமன்ற உறுப்பினர்கள் மட்டுமே இருந்தோம்.

ஒரு எழை தாய் அங்கு அம்மா…அம்மா…என்று கதறிக் கொண்டிருந்தார். யார் என்று விசாரித்தோம். ஜெயலலிதா அம்மா அவர்கள் வாகனத்தில் செல்லும்போது அந்த தாய் சாலையில் நின்று எப்போதும் கையசைப்பாராம்! ஒரு நாள் அவரை போயஸ் வீட்டுக்கு அழைத்து வேண்டிய உதவிகளை அம்மா செய்து அனுப்பினாராம் ! இந்த ஏழையை கெளரவித்த அம்மாவின் மரணச் செய்தியை தாங்க முடியாமல் அவர் நள்ளிரவின் அமைதியை கிழிக்கும் வகையில் அழுதுக்கொண்டிருந்தார்.

அம்மாவின் உடல் போயஸ் இல்லம் வந்ததும் எல்லோரும் கலங்கினோம்.

அந்த வீட்டுக்கு வந்து போன நினைவுகள் வாட்டியது. இனி எப்போது வரப்போகிறோம்? ஏன் வரப்போகிறோம்? என மனம் வலிக்க, வலிக்க அங்கிருந்து புறப்பட்டோம். அப்போது மணி விடிகாலை மூன்று.

அடுத்த நாள் விடிந்தது. நாடெங்கும் அம்மா அவர்களின் ஆளுமை குறித்து புகழஞ்சலி செலுத்தப்பட்டது.

கட்சிகளை தாண்டிய சோகம் வெளிப்பட்டது. திமுக நண்பர்களே கலங்கினார்கள்.”அம்மா நீங்கள் ஆளக்கூடாது என்று தானே சொன்னோம்… வாழக் கூடாது என்று சொல்லவில்லையே என ‘வாட்ஸ் அப்’ களில் உருகினார்கள்.

மக்கள் சாரை, சாரையாய் ராஜாஜி ஹாலில் அஞ்சலி செலுத்தினார்கள். அவரது மரணம் தமிழ் நாட்டு மக்களை சோகமயமாக்கியது..!

நானும், கட்சி நிர்வாகிகள் ஹாரூன், தைமிய்யா, சாதிக் உள்ளிட்டோர்களும், தனியரசும் ராஜாஜி ஹாலுக்கு வந்தோம். அங்கு ம.நடராஜன், கனிமொழி, பொன்.ராதாகிருஷ்ணன், T.ராஜேந்தர், டாக்டர். கிருஷ்ணசாமி உள்ளிட்டோர் பின் பகுதி ஹாலில் உட்கார்ந்திருந்தனர். எங்களோடு நெரிசலில் CPM தலைவர் தோழர். G.ராமகிருஷ்ணன் அவரது சக தோழர்களோடு வந்திருந்தார்.

அப்போது தான் பிரதமர் வந்துவிட்டு போனார். நானும், தனியரசும், சரத்குமாரும் அவரது உடல் அருகில் உட்கார்ந்திருந்த அமைச்சர்கள் உள்ளிடோர்களோடு உட்கார்ந்தோம்!

ஒரே நாளில் சென்னையை நோக்கி மக்கள் கூட்டம், கூட்டமாக வந்து அஞ்சலி செலுத்திய வண்ணமிருந்தனர். நாடு முழுக்க மத்திய, மாநில அரசுகளின் சார்பில் அஞ்சலி செலுத்த தலைவர்களும், அமைச்சர்களும் வந்துக் கொண்டேயிருந்தனர்.

கடைசியாக ராகுல் காந்தி வந்தார்!

4 மணியளவில் அம்மாவின் உடல் இராணுவ அரச மரியாதையுடன் பீரங்கி வண்டியில் ஏற்றப்பட்டது. அந்த நேரத்தில் உ.பி.முதல்வராயிருந்த அகிலேஷ் யாதவ் வந்து சேர்ந்தார்.

நான், உணவுத்துறை அமைச்சர் திரு.காமராஜ் அண்ணன், திரு.ம.நடராஜன் அண்ணன், திரு.திவாகரன் அண்ணன் ஆகியோருடன் பீரங்கி வண்டிக்கு முன்பாக நின்றுக்கொண்டிருந்தேன்.

அப்போது “அம்மாவுக்கு மிகவும் பிடித்த இளம் தலைவர் என்று” என்னை அமைச்சர் காமராஜ் அவர்கள் திரு.நடராஜனிடம் கூற அருகில் நின்ற திவாகரன் “உடனே இவரது, பேச்சு அம்மாவுக்கு மிகவும் பிடிக்கும்” என்றார்.

அப்போது ம.நடராஜன் அவர்கள் “நீங்கள் அவர்களுக்கு ரொம்பவும் வேண்டியவங்க…எனவே ஊர்வலத்தில் முன்வரிசையில் அமைச்சர்களோடு செல்லுங்கள்” என்றார்.

ஊர்வலம் செல்லும் வழியெங்கும் அனைத்து தரப்பு மக்களும் கூடி நின்று அழுதனர். மெரினாவில் MGR சமாதிக்குள் நுழைய முடியவில்லை. அவர் அடக்கம் செய்யப்படும் இடத்தில், எங்களுக்கான இருக்கையில் யார், யாரோ உட்கார்ந்திருந்தனர்.

துப்பாக்கி குண்டுகள் முழங்க அம்மாவின் உடல் அடக்கம் செய்யப்பட்டது. தமிழ்நாடு, நாடு போற்றும் வலிமையான ஒரு தலைவரை இழந்த வலியை உணர்ந்தது.

நானும், தனியரசும், கருணாசும் அங்கு உட்கார்ந்திருந்த அமைச்சர்களோடு சிறிது நேரம் பேசிவிட்டு, விடுதியை நோக்கி நடந்தே சென்றோம்.

அம்மா அவர்கள் மனிதநேய ஜனநாயக கட்சியின் மீது மிகுந்த மரியாதை காட்டினார். என் மீது தனிப்பட்ட முறையில் மிகுந்த அன்பு காட்டினார் அவற்றை மறக்க முடியவில்லை. அவரின் இழப்பை மஜக உணர்கிறது. அவர் மஜகவுக்கு கொடுத்த அரசியல் அங்கீகாரத்திற்க்காக என்றென்றும் அவரை நன்றியுடன் நினைவு கூறுவோம்.

அம்மா இப்போது எல்லோராலும் நினைவு கூறப்படுகிறார். எப்படி தெரியுமா? “அம்மா மட்டும்…இந்நேரம் இருந்திருந்தால்…என்ற வாசகத்தின் மூலமாக!

இவண்,

#M_தமிமுன்_அன்சாரி_MLA
பொதுச்செயலாளர்
#மனிதநேய_ஜனநாயக_கட்சி.
04/12/2017.

Sign In

Reset Your Password

Email Newsletter